Barazia gjinore, pjesë e buxheteve afatmesme në bashkitë e vendit

250

TIRANË, 13 prill/ATSH/- 70 specialistë të Drejtorive të Buxhet-Financës, nga 33 bashki, i janë nënshtruar trajnimeve për përmirësimin e menaxhimit të financave publike.

Gjatë trajnimit, midis të tjerash u theksua rëndësia e përfshirjes së elementeve të barazisë gjinore në të gjitha fazat e përgatitjes së plan buxheteve afatmesme.

“Mishërimi i PBGJ në praktikë shihet tek institucionalizimi i buxhetimit gjinor në risitë e Ligjit të Strehimit Social, përfitues të të cilit bëhen kategori të ndryshme të grave në nevojë” , theksoi Doris Andoni, Përgjegjëse e Sektorit të Strehimit Social pranë Ministrisë së Financave dhe Ekonomisë.

UN Women në bashkëpunim me Ministria e Financave dhe Ekonomisë dhe me mbështetjen financiare të Agjencisë Austriake për Zhvillim, po ofrojnë asistencë intensive në të gjitha bashkitë e Shqipërisë për përgatitjen e planeve buxhetore afatmesme. Ky është grupi i dytë i trajnimeve për bashkitë.  z.tosku//e.caushi

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.