PREHISTORI – Gjurmë dinosaurësh në një ishull skocez

LONDËR, 4 prill /ATSH-AFP/ – Gjurmë të dinosaurëve para 170 milionë viteve u zbuluan në një ishull skocez duke mundësuar më shumë njohuri për zhvillimin e këtyre krijesave, njoftoi sot Universiteti i Edimburgut.

Këto gjurmë u gjetën në një shkëmb në bregun verilindor të ishullit Skye, në veriperëndim të Skocisë.

Gjurma më e madhe prej tyre ishte me përmasa 70 centimetra.

Ato janë bërë nga dy lloje dinosaurësh, sauropodë, që mund të arrijnë deri në dy metra lartësi dhe teropodë, që kanë të njëjtën përmasë dhe janë kushurinj të largët të tiranosaurëve rex.

“Ky zbulim i rëndësishëm botëror përbën një provë të rrallë të epokës së mesme xhurasike, për të cilën pak nga zonat e fosileve janë gjetur në botë”, nënvizon universiteti.

Studiuesit kanë dokumentuar rreth 50 gjurmë të gjetura në vend.

Kjo është analizë e kontureve, formës dhe orientimit të këmbëve dhe prania e kthetrave që u ka mundësuar të përcaktojnë se cilët dinosaurë kishin lënë gjurmët e tyre./ /ec/  a.jor.

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.