SPORT – Calja triumfon në Kampionatin Europian të peshëngritjes

1317

BUKURESHT, 28 mars /ATSH/ – Në kampionatin europian të peshëngritjes, shqiptari Briken Calja shkëlqeu duke arritur të marrë tri medalje ari.

Calja arriti të ngrejë 146 kilogramë, duke zenë kështu vendin e parë në peshën 69 kilogram në stilin e shkëputjes.

Ai gjithashtu u rendit i pari edhe në stilin e shtytjes duke ngritur 175 kilogramë.

“Jam shumë i lumtur. Suksesin ia dedikoj familjes, miqve dhe gjithë shqiptarëve”, deklaroi Calja në përfundim të garës.

Ndërsa peshëngritësi tjetër shqiptar, Arbër Çerçizi, u rendit në vend të shtatë duke ngritur 135 kilogramë./ /G.S/ a.jor.

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.