MOSKË – Kremlini: Rusia mbetet e hapur për një takim Trump-Putin

MOSKË, 28 mars /ATSH-AFP/ – Rusia mbetet e hapur për një takim mes presidentëve Vladimir Putin dhe Donald Trump, përmendur nga dy liderët gjatë një bisede telefonike javën e kaluar, deklaroi sot zëdhënësi i Kremlinit, Dmitri Peskov.

“Kjo varet nga pala amerikane, por pala ruse mbetet e hapur për një samit Rusi-SHBA”, deklaroi ai për gazetarët.

Presidenti amerikan, Donald Trump ka urdhëruar që prej asaj kohe dëbimin e 60 diplomatëve rusë nga SHBA-ja, si reagim ndaj helmimit të ish-spiunit rus, Sergueï Skripal në Britaninë e Madhe./ /ec/ a.jor.

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.